Sail Statudol

Mae Deddf Gwasanaeth Diogelwch 1989 yn ein gosod dan awdurdod yr Ysgrifennydd Gwladol, sef yr Ysgrifennydd Cartref yn ymarferol, sy'n ateb yn y Senedd dros y Gwasanaeth.

Mae'r Ddeddf yn disgrifio swyddogaethau'r Gwasanaeth ac yn rhoi enghreifftiau o natur a hyd a lled y bygythiadau rydym yn gyfrifol am eu hatal. I grynhoi, dyma ein swyddogaethau:

• amddiffyn diogelwch gwladol rhag bygythiadau yn sgil ysbïo, terfysgaeth a thanseilio, yn dilyn gweithgareddau cudd-swyddogion pwerau tramor, ac yn dilyn gweithredoedd sydd â'r bwriad o ddymchwel neu danseilio democratiaeth seneddol trwy ddulliau gwleidyddol, diwydiannol neu dreisgar;


• gwarchod lles economaidd y DU rhag bygythiadau gan weithredoedd neu fwriadau pobl y tu allan i Ynysoedd Prydain; ac


• (er mis Hydref 1996), gweithredu i gefnogi gweithgareddau heddluoedd ac asiantaethau eraill sy'n gorfodi'r gyfraith er mwyn atal a chanfod troseddau difrifol.

Mewn democratiaeth, rhaid i wasanaeth diogelwch domestig fod yn anwleidyddol. Mae'r Ddeddf hefyd yn disgrifio cyfrifoldebau'r Prif Gyfarwyddwr yn ôl y gyfraith dros sicrhau nad yw'r Gwasanaeth yn gweithredu i hybu buddiannau unrhyw blaid wleidyddol. Ei swyddogaeth yw amddiffyn democratiaeth, nid dylanwadu ar ei chwrs. Ni all llywodraeth y dydd orchymyn y Gwasanaeth i gyflawni unrhyw weithred am resymau gwleidyddiaeth plaid